من اشهر الاسباب اللي انت بسببها بدأت مشروعك الخاص هو انك تكون مدير نفسك ... او مديرة نفسك
طيب ليه متبقاش مُسوق نفسك كمان

مفيش صاحب مشروع أين كان صغير او كبير إلا ومحتاج تسويق وطالع عينه يا مع الشركات او الفريلانسرز
الحل هو انك تتعلم تسويق .. طيب انا مش فاضي .. كورس صغير وقته مش كبير هيخليك تعتمد على نفسك لأن اساسيات الفكر التسويقي عندك (ما انت صاحب المشروع اصلاً)
هنعمل كورس او ورشة .. سميها هيثم مش مشكلة .. المهم اننا هنقعد مع بعض لمدة 12 ساعة نقسمهم على يومين كل يوم 6 ساعات هنتعلم فيهم اساسيات التسويق اللي تخليك تقدر تعمل حملات تسويقية لمشروعك بنفسك وتنجح كمان بإذن الله
هنتعلم في اليومين دول النقاط دي

ايه هو التسويق ويعني ايه براند وايه نوع التسويق اللي مشروعك محتاجه
في حاجة بيقولوا عليها المزيج التسويقي .. هنتعلم نعملها بالتفصيل
ازاي نصمم عرض مبيعات لمشروعك يكسّر الدنيا .. وتكسب منه مش تخسر
ازاي تستخدم السوشيال ميديا والتسويق اونلاين لمصلحة مشروعك (وجواها هتتعلم تعمل اعلانات فيسبوك وجوجل)
ازاي تعمل تصميمات بدون ما تكون مصمم جرافيك عشان تستخدمها في الدعايا
وأهم نقطة .. ازاي تحدد ميزانية التسويق من قبل ما تبدأ شغل وازاي تحسب مردود حملاتك عشان تقدر تكمل

وده معناه ان الورشة دي مناسبة لأصحاب المشروعات الصغيرة وكمان لأي حد حابب يدخل مجال التسويق ويتعلم اساسياته اللي تساعده يبدأ شغل مباشرة

اكتر حاجة بتميز الوورك شوب دي انك هتشتغل عملي اونلاين على اعلانات منصات التواصل الاجتماعي وتتابع نتائجها كمان

طيب الكورس فين ومين هيديه وبكام واحجز ازاي وايه المواعيد والاسئلة الكتير اللي هتيجي فـ بالك .. يلا نجاوبهم

اولاً الكورس هيكون في المعادي في مساحة عمل مشترك
Darb Coworking Space
ودي دقيقة من محطة مترو المعادي اول ما تخرج من المترو ناحية موقف العربيات امشي يمين لحد الكوبري وامشي مع الكوبري ناحية شارع 100، هي اول عمارة فوق حضرموت وهتلاقي خريطة لما تسجل تحت
وليه مش مركز كورسات .. عشان هيكون بإسم المركز وبدل ما هتقرأ تحت ان الكورس بمبلغ رمزي هتلاقيه بـ3999 وخصم ينزله لـ3000جـ
 
ثانياً مين المدرب .. راجل طيب اسمه احمد عزت اشتغل طول حياته مع شركات ناشئة او مشاريع جديدة شغال دلوقتي مسئول تسويق في شركة بترول وقبلها مدير تسويق في شركات خدمات تسويقية وقبلها مدير تسويق في شركة ترجمة وشوية القاب اقدم مش هوجع دماغكم بيها .. بس المهم انه اشتغل على علامات تجارية من اكبرها لأصغرها زي تويوتا مثلاً بالميزانيات عملاقة وزي مشروع محل ايس كريم صغير (والتسويق رفعله مبيعاته من 300جـ فـ اليوم لمتوسط 5000جـ يومياً)
 
ثالثاً: الكورس هيكون على يومين سبت 2 و9 نوفمبر

رابعاً ازاي احجز الكورس .. هتملا الاستمارة تحت .. هتحجز قبل الكورس عن طريق فودافون كاش
 
اخر حاجة .. الكورس زي ما قلنا بمبلغ رمزي 100جنيه فقط .. والعدد محدود لضمان افضل استفادة

برجاء تحويل قيمة 100جـ عبر فودافون كاش لرقم 01094485130 بعد تسجيل الاستمارة لتأكيد الحجز ثم الاتصال على نفس الرقم لتأكيد الحجز

احجز الآن